عن بيكست تك

(عن بيكست) تعرف علينا أفضل

تبغى تعرف أكثر عن بيكست؟ طيب، الهرجة وما فيها إنو إحنا علامة تجارية لمؤسسة تقنية معلومات ناشئة ولساعنا طازة، وطريقتنا عالمية وطعمنا محلي. شغالين من جدة لكل العالم. نبغى نحسن ونطور الثقافة التقنية في المملكة بإعتمادنا على أخر وأجدد وأحدث التقنيات المستخدمة في كل مجال شغالين فيه. من برمجة وتطوير التطبيقات لتحسين تجربة المستخدمين في الويب والمواقع الإلكترونية لعملائنا بتصميمنا أحسن التصاميم الجرافيكية والموشن لغاية ما ننتهي بتسويقها في العالم الرقمي بأفضل طريقة لكافة أنواع الجماهير.

إحنا هنا في بيكست مؤمنين بالمستقبل والفرص الموجودة فيه، عشان كدا أتبنينا أسلوب مبدع، صحي و طموح، ونبغى نوصله للعالم كله لكن حنبدأ أول شي في السعودية. عشان كدا حنفضل نطور نفسنا ونحسن مهاراتنا بإستمرار ألين ما نوصل لحلمنا. وجزء كبير من حلمنا هوا الحب والشغف، إحنا مرة نحب البرمجة والتطوير والتصميم وبرضو نحبك. إيوا مرة نحبك ونحب شغلك كمان. عشان كدا حنسوي كل إللي نقدر عليه وبكل طاقتنا الكامنة عشان نخليك تتميز عن باقي منافسينك. بالطريقة دي إحنا نكون ساعدناك وساعدنا نفسنا كمان.

بهذا الحلم وبهذا الهدف، إحنا وبكل فخر وحب وشغف كمان نقدم كل الخدمات الرقمية إللي تحتاجها عشان تنجح صح في العالم الرقمي، (تطوير البرمجيات وتطبيقات الهواتف الذكية، تطوير الويب والمواقع الإلكترونية، التصميم الجرافيكي والمونتاج وأخيراً التسويق الرقمي ومنصات التواصل الإجتماعي) مع ضمان بيكست الخاص إنو كل خدماتنا ومنتجاتنا حتكون “متجاوبة؛ على جميع المنصات”، “مبتكرة؛ بكل الأشكال”، “مدعومة؛ بكل الطرق” و “مثالية؛ بجميع المقاييس”.

أفضل هوية

“نطور أسلوب حياة”

أفضل مهمة

“نطور أسلوب حياة بواسطة الجميع”

أفضل رؤية

“نطور أسلوب حياة للجميع”

0
مشروع تم تسليمه
0
مشكلة تم حلها
0
عميل سعيد بعملنا
0
كوب قهوة

اشترك في نشرة بيكست

انضم لقائمتنا البريدية لتصلك أخر أخبارنا وأحدث عروضنا. وأيضاً ستتمتع بخصم نسبة 15% من فاتورتك الأولى معنا.

لقد تم تسجيلك بنجاح معنا. الأن لقد حصلت على خصم بنسبة 20% -إذا وجدنا بريدك الإلكتروني في قائمتنا-